Gjigantët spanjollë të futbollit FC Barcelona dhe Real Madrid mësuan se me kë do të përballen në gjysmëfinalet e Kupës së Mbretit pasi shorti u hodh të mërkurën në kryeqytetin e vendit.
Barça është shortuar të luajë ndaj Atletico Madridit, ndërsa Real Madrid do të takohet me Real Sociedadin.
Ndeshja e parë gjysmëfinale është planifikuar të zhvillohet më 26 shkurt, ndërsa ndeshja e kthimit më 2 prill.
Real Sociedad dhe Atletico Madrid janë në katërshen e fundit për të dytin vit radhazi, me Madridin që u eliminua nga 16-ta e fundit nga Atletico sezonin e kaluar pasi Barça ra ndaj Athletic Club në çerekfinale.
Për të arritur në këtë fazë të kompeticionit këtë herë, Barça mposhti Valencian 5-0 në çerekfinale, ndërsa Atletico mposhti Getafen me të njëjtin rezultat. /KosovaPress/
