Presidenti i Interit, Beppe Marotta është i bindur se kalendari i ndeshjeve duhet të shkurtohet dhe po bën thirrje për një takim të nivelit të lartë për të mbrojtur lojtarët nga rreziku në rritje i lëndimeve.
Nerazzurrët do të luajnë më shumë ndeshje se çdo klub tjetër përveç Juventusit këtë sezon, sepse, përveç Serisë A, Champions League, Coppa Italia dhe Supercoppa Italia, ata janë kualifikuar në Kupën e Botës për Klube 2025.
“Ne duhet të jetojmë me stresin e vazhdueshëm të kaq shumë ndeshjeve, është e vështirë për lojtarët”, tha Marotta për DAZN.
“Janë rreth 100 lojtarë të lënduar që kanë detyrime ndaj ekipeve të tyre kombëtare dhe ne duhet të mbrojmë shëndetin e tyre”.
“Situata nuk është e lehtë sepse ne duhet të ulemi rreth një tavoline dhe të kuptojmë se lista e ndeshjeve duhet të shkurtohet,” shtoi ai. /GazetaBlic Sport
