Votimi i së martës vjen pasi qeveria e brishtë e Barnier përballet me një sfidë të madhe për të miratuar buxhetin e vitit të ardhshëm, pavarësisht se nuk ka shumicën në parlament.
Qeveria e pakicës franceze pritet t’i mbijetojë një votimi mosbesimi të martën në testin e parë të madh për kryeministrin e ri konservator Michel Barnier, i cili është i detyruar të mbështetet në vullnetin e mirë të së djathtës ekstreme për të qëndruar në pushtet.
Mocioni i mosbesimit u depozitua nga një grup prej 192 ligjvënësish të koalicionit të krahut të majtë Fronti i Ri Popullor.
Në mocionin e tyre, aleanca akuzoi qeverinë e re të Francës për mohimin e “rezultatit të zgjedhjeve më të fundit legjislative”.
Pavarësisht se siguroi shumicën e vendeve në Asamblenë Kombëtare në zgjedhjet e parakohshme legjislative të Francës, të mbajtura këtë verë, koalicionit nuk iu dha një shans për të formuar një qeveri të pakicës.
Tubimi Kombëtar i ekstremit të djathtë (RN), i cili ka 125 ligjvënës , ka thënë se do të abstenonte nga votimi për një mocion mosbesimi për momentin.
Duke qenë se mocioni ka nevojë për 289 vota për të kaluar, nuk ka gjasa që ai të kalojë pa mbështetjen e RN. Grupi fitoi 40 vende në zgjedhjet legjislative krahasuar me 2022.
Udhëheqësja e ekstremit të djathtë Marine Le Pen, një anëtare e Asamblesë Kombëtare për zonën elektorale të Pas-de-Calais, tha se ajo vendosi t’i “i japë një shans” qeverisë.
Politikani i krahut të majtë Olivier Faure nga Partia Socialiste deklaroi se “Tubimi Kombëtar ka vendosur të tregojë mbështetjen e tij pa marrë pjesë në qeveri”, në një intervistë për transmetuesin publik francez France 2.
Vota është një mundësi për të treguar se kush është në opozitë dhe kush jo”, shtoi ai.
Politikanët nga brenda koalicionit të Frontit të Ri Popullor filluan të depozitojnë një votë mosbesimi kur presidenti francez Emmanuel Macron refuzoi të emërojë kandidaten e tyre, Lucie Castets, si kryeministër.
Pas zgjedhjeve të korrikut, Asambleja Kombëtare, dhoma e ulët e fuqishme e parlamentit të Francës, është ndarë në tre blloqe të mëdha : Fronti i Ri Popullor, aleatët qendrorë të Macron dhe partia e ekstremit të djathtë Rally National. Asnjë nga grupet nuk ka një shumicë të plotë.
Frustrimi u rrit më tej kur Macronit iu deshën 51 ditë për të emëruar Barnier – i cili vjen nga partia konservatore Republikane (LR) – si kryeministër të tij të ri, duke vendosur një politikan, partia e të cilit fitoi më pak se 5% të votave në zgjedhjet në krye të vendi.
Kabineti i Barnier përbëhet kryesisht nga anëtarë të partisë së tij dhe centristë nga aleanca e Macron, të cilët së bashku përbëjnë pak më shumë se 200 ligjvënës./euronews/
