Pas një periudhe të gjatë jashtë fushës për shkak të rezultatit pozitiv për doping, Paul Pogba ka kaluar muajt e fundit duke stërvitur i vetëm. Aktualisht nën kontratë me Juventusin dhe me një pagë minimale, mesfushori është në pritje të vendimit përfundimtar lidhur me apelimin e tij për pezullimin katërvjeçar.
Vendimi nga CAS në Lozanë për rastin Pogba pritet të merret në javët e ardhshme. Sipas raportimeve të La Gazzetta dello Sport, ditët e fundit futbollisti ka dhënë një dëshmi sekrete në gjykatë.
Nëse ankesa e tij pranohet, ekziston mundësia që Pogba të rikthehet në fushë. Në fakt, ai mund të rikthehet për të luajtur në Arabinë Saudite, ku sheikët janë të gatshëm t’i ofrojnë një kontratë. /Telesport.al/
