Ylli i Liverpoolit, Luis Diaz e ka zgjedhur pesëshen më të mirë në histori të klubit, ku në të bën pjesë edhe Xherdan Shaqiri, ndërsa mungon Mohamed Salah.
Diaz është lojtar kyç për Liverpoolin që prej se u transferua te gjiganti anglez në janarin e vitit 2022.
Diaz iu dha mundësia që të zgjedhë mes lojtarëve që kanë luajtur në të kaluarën, dhe ata që luajnë për Liverpoolin tani, dhe një zgjidhje e tij tani ka habitur tifozët lokal.
Në portë Diaz padyshim zgjodhi Alisson Becker, kurse si mbrojtës zgjodhi Virgil van Dijk.
Në mesfushë, ylli kolumbian zgjodhi legjendën e “Të Kuqve”, Steven Gerrard, kurse gjërat u bën interesant te faza e sulmit.
Diaz çuditi kur zgjodhi yllin me prejardhje nga Kosova, Xherdan Shaqirin, para “Mbretit Egjiptian”, Mohamed Salah.
Në krye të sulmit, Diaz zgjodhi legjendën Kenny Dalglish, i cili e la futbollin shtatë vite para se Diaz të lindte.
Pesëshja më e mirë në historinë e Liverpoolit për Diaz:
Alisson Becker
Virgil van Dijk
Steven Gerrard
Xherdan Shaqiri
Kenny Dalglish
