Roja bregdetare italiane ka shpëtuar dy të moshuar me helikopter nga çatia e tyre.
Ngjarja ka ndodhur pas shirave të dendur që shkaktuan përmbytje dhe rrëshqitje dheu në rajonin Emilia-Romagna.
Siç është raportuar, nëntë persona kanë gjetur vdekjen dhe disa janë zhdukur pasi 14 lumenj dolën nga shtrati, duke përmbytur 23 qytete.
Zëvendëspresidentja e Emilia Romagna, Irene Priolo, u kishte thënë gazetarëve se shirat po pakësoheshin, por nivelet e lumenjve ishin ende në rritje.
Rajoni, i cili ka vuajtur një thatësirë të zgjatur, është nën alarmin e kuq – paralajmërimi i nivelit më të lartë ose gjendja e jashtëzakonshme për ngjarjet e motit të rrezikshëm për jetën. /Telegrafi/
