Kroacia edhe zyrtarisht është bërë pjesë e zonës Schengen dhe Eurozonës.
Vendi me gati 4 milionë banorë simbolikisht hoqi pikat e kontrollit duke i mundësuar qytetarëve të saj lëvizjen pa pasaporta.
Kroatët nga 1 janari do të jenë në mesin e 420 milionë njerëzve që brenda vendeve të BE-së që do të mund të punojnë në këto vende.
Kroacia nga fillimi i vitit 2023 valutë nacionale do ta ketë Euron.
Ky vend bëhet i 20-ti ka hyrë brenda Eurozonës.
Miratimi i Euros, do ta lehtësonte të bërit biznes dhe do t’i eliminonte telashet për turistët e shumë evropianë që vizitojnë brigjet e Adriatikut.
Ministri i Brendshëm kroat, Davor Bozinoviq, tha se përfundimisht u hapën dyert e afirmimit të identitetit evropian.
“Ne hapëm dyert për Evropën pa kufij. Kjo shkon përtej eliminimit të kontrolleve kufitare, është afirmimi përfundimtar i identitetit tonë evropian”, tha Bozinoviq.
Ai nën shoqërimin e homologes së tij sllovene, Sanja Ajanoviq-Hovnik, shikoi për here të fundit ngritjen e laurave në kufirin e Breganës (kufiri Kroaci-Slloveni).
Tani Kroacia do të duhet të ushtrojë kontrolle të rrepta për fqinjët lindorë të cilët nuk janë pjesë e Bashkimit Evropian, si Serbia, Bosnja e Hercegovina dhe Mali i Zi.
Arritja e kësaj pike u vlerësua lart nga qytetarët kroat, shkruan AP përcjell Klankosova.tv
Ata theksojnë se tani ka përfunduar një rrugëtim i vështirë për ta drejt rrjedhës evropiane, 31 vjet pas pavarësimit të saj.
Kroacia përjetoi një luftë kundër Serbisë, ku u vranë 20 mijë persona dhe qindra e mijëra të tjerë ishin shpërngulur.
