Brazili ka shpallur tri ditë zie pas vdekjes së yllit të futbollit Pele. 82-vjeçari, futbollisti që fitoi tre herë Kupën e Botës, vdiq të enjten pas një beteje të gjatë me kancerin. Nderimet do të bëhen në fushën e stadiumit të Santos, klubi ku ai i filloi të luante kur ishte adoleshent.
Të martën, do të ketë një paradë me arkivolin e tij nëpër lagjen ku jeton nëna e tij 100-vjeçare, ndjekur më pas nga një varrim privat. Edson Arantes do Nascimento, i njohur më mirë si Pele, u bë një yll kur në moshën 17-vjeçare, ai ndihmoi Brazilin të fitonte Kupën e Botës 1958 në Suedi.
Ai vlerësohet se ka shënuar një rekord botëror 1,281 gola në 1,363 paraqitje gjatë një karriere 21-vjeçare, duke përfshirë 77 gola në 92 ndeshje për vendin e tij. I vetmi lojtar që fitoi Kupën e Botës tre herë, duke ngritur trofeun në 1958, 1962 dhe 1970, Pele u shpall Lojtari i Shekullit nga FIFA në 2000./Sinjali/
