Këshilli Evropian konfirmoi miratimin e 18 miliardë eurove ndihmë financiare dhe ndihmë humanitare në vitin 2023 për Ukrainën.
Në konkluzionet e tyre për Ukrainën, liderët europianë theksojnë se BE-ja do të rrisë urgjentisht ndihmën humanitare dhe të mbrojtjes civile për Ukrainën dhe do të ndihmojë në rivendosjen e infrastrukturës jetike të vendit për të kaluar dimrin.
Këshilli Europian i ka bërë thirrje Bankës Europiane të Investimeve, në bashkëpunim të ngushtë me Komisionin dhe institucionet financiare ndërkombëtare, të rrisë mbështetjen e saj për nevojat më urgjente të infrastrukturës të Ukrainës.
Këshilli Europian gjithashtu i ka bërë thirrje Komisionit që të forcojë koordinimin me industrinë europiane dhe partnerët ndërkombëtare. Në këtë kontekst, Këshilli Europian mirëpret rezultatin e konferencës së Parisit mbi elasticitetin dhe rindërtimin e Ukrainës më 13 dhjetor 2022.
/abcnews.al
