Aksidentohet një kamion me një veturë në Gjakovë, lëndohet një person
Në 73-vjetorin e Forcës Ajrore të Shqipërisë, ministri i Mbrojtjes, Niko Peleshi shprehu mirënjohje dhe respekt për të gjithë ata që e krijuan dhe e ngritën lart këtë forcë dhe ata që vazhdojnë kontributin në ruajtjen e sovranitetit të vendit tonë.
Ministri theksoi se riaktivizimi i Bazës Ajrore Taktike të NATO-s në Kuçovë, ardhja e dy helikopterëve Black Hawk, si dhe pajisja me dronët luftarakë Bayraktar, janë investime historike për Forcat e Armatosura dhe hapa të rëndësishëm për modernizimin e Forcës Ajrore.
“Këto zhvillime jo vetëm që rrisin aftësitë e mbrojtjes së Shqipërisë, por shërbejnë edhe si dëshmi e angazhimit të vendit tonë për të garantuar sigurinë kombëtare dhe për të përmbushur standardet më të larta të mbrojtjes”, vlerësoi ministri.https://fe7336016caed307c386e49615c092d1.safeframe.googlesyndication.com/safeframe/1-0-40/html/container.html
Forcat Ajrore Shqiptare u krijuan zyrtarisht më 24 prill 1951. Avionët e parë ishin avionë sovjetikë të prodhuar mbas Luftës së Dytë Botërore “Yak-18” dhe fillimisht u dislokuan në Laprakë në periferi të kryeqytetit të Shqipërisë, Tirana. /Telegrafi/
