Aksidentohet një kamion me një veturë në Gjakovë, lëndohet një person
· Presidenti rus, Vladimir Putin, mori miratimin e liderit iranian për pushtimin e Ukrainës gjatë një vizite në Teheran të martën. Ajatollah Ali Khamenei i tha Putinit: “Lufta është një çështje e ashpër dhe e vështirë dhe Irani nuk është aspak i kënaqur që njerëzit e zakonshëm vuajnë prej saj, por në rastin e Ukrainës, nëse nuk do të kishit marrë iniciativën, pala tjetër do të kishte shkaktuar lufta me iniciativën e saj… Nëse rruga është e hapur për NATO-n, ajo nuk njeh kufij dhe nëse nuk ndalohej në Ukrainë, do të fillonin të njëjtën luftë pak kohë më vonë me pretekstin e Krimesë.”
· Putin tha se ishin bërë përparime në negociata që mund të lejojnë Rusinë të heqë bllokadën ndaj grurit ukrainas. “Dua t’ju falënderoj për përpjekjet tuaja ndërmjetësuese,” i tha ai Recep Tayyip Erdogan. “Me ndërmjetësimin tuaj ne kemi ecur përpara. Jo të gjitha çështjet janë zgjidhur ende, por fakti që ka lëvizje është tashmë gjë e mirë.”
· Ukraina nuk dëshiron që lufta të zgjasë deri në dimër, sepse do t’u jepte kohë forcave ruse për të vështirësuar çdo kundërsulm të Ukrainës.
· Zëdhënësi i Pentagonit, John Kirby, tha se Rusia po krijonte bazat për aneksimin e më shumë territoreve ukrainase dhe vendosjen e zyrtarëve të paligjshëm në zonat nën kontrollin e saj. Kirby, duke zbuluar atë që ai tha se ishte inteligjenca amerikane, tha se Rusia po kërkonte të vendoste rublën si monedhe dhe t’i detyronte banorët të aplikonin për shtetësi./AnabelMedia/
