Aksidentohet një kamion me një veturë në Gjakovë, lëndohet një person
· Rreth 80% e banorëve në rajonin lindor të Ukrainës, Donetsk, janë larguar, tha guvernatori i saj. Pavlo Kyrylenko tha se rreth 340,000 njerëz, ose 20% e popullsisë vendase para fillimit të pushtimit të plotë të Rusisë më 24 shkurt, ka mbetur.
· Vladimir Putin nënshkroi një dekret duke e bërë më të lehtë për qytetarët e Ukrainës marrjen e nënshtetësisë ruse. Më parë, një procedurë e thjeshtuar zbatohej vetëm për banorët e territoreve të vetëshpallura separatiste të Republikës Popullore të Donetsk (DPR) dhe Republikës Popullore të Luhansk (LPR) në Ukrainën lindore, si dhe rajonet e pushtuara nga Rusia të Kherson dhe Zaporizhzhia.
· Kryeministri holandez, Mark Rutte, u takua me Zelensky-n në Kiev për të përsëritur mbështetjen e vendit të tij për Ukrainën “tani dhe në vitet në vijim”. Lufta në Ukrainë mund të zgjasë shumë, paralajmëroi Rutte gjatë një vizite në kryeqytet. Pas takimit të tyre, Zelensky përshëndeti bisedimet “konstruktive” me liderin holandez dhe vendimin për furnizimin me armë.
· Irani po planifikon të furnizojë Rusinë me qindra dronë-armë për t’u përdorur në Ukrainë, sipas një zyrtari të lartë amerikan.
· Parlamenti rus do të mblidhet më 15 korrik për një seancë të jashtëzakonshme ku do të diskutohen më shumë se 80 projektligje. “Ne planifikojmë të shqyrtojmë pak [më shumë] se 60 çështje,” tha Vladimir Vasilyev, kreu i partisë Rusia e Bashkuar, por nuk bëri të ditur se cilat ishin çështjet.
· Kombet e Bashkuara thonë se do të monitorojnë luftën në Ukrainë për krimet ndaj fëmijëve, duke përfshirë vrasjet, plagosjet, rekrutimin, përdhunimin dhe forma të tjera të dhunës seksuale./AnabelMedia/
