Aksidentohet një kamion me një veturë në Gjakovë, lëndohet një person
· Ministri i Jashtëm rus, Sergei Lavrov, thotë se një “perde e re e hekurt” po vendoset midis Rusisë dhe perëndimit dhe se Moska nuk do t’i besojë Uashingtonit dhe Brukselit “tani e tutje”. Procesi “ka filluar”, tha Lavrov pas bisedimeve me homologun e tij nga Bjellorusia.
· Një raketë ruse goditi një ndërtesë shumëkatëshe në portin e Odesës në Detin e Zi herët të premten, duke vrarë të paktën 10 persona, tha një zyrtar lokal.
· Situata në qytetin lindor të Ukrainës, Lysychansk, është “jashtëzakonisht e vështirë” pasi granatimet e vazhdueshme të forcave ruse e bëjnë të pamundur evakuimin e civilëve, thonë zyrtarët.
· Joe Biden deklaroi se SHBA-ja dhe aleatët e NATO-s do të qëndrojnë me Ukrainën “për aq kohë sa duhet”. Aleanca ushtarake premtoi qindra mijëra trupa të tjera për të mbrojtur Europën Lindore. Presidenti amerikan njoftoi gjithashtu një ndihmë tjetër ushtarake prej 800 milionë dollarësh për Kievin.
· Sekretari i Përgjithshëm i NATO-s, Jens Stoltenberg, ka thënë se Suedia dhe Finlanda pritet të nënshkruajnë zyrtarisht protokollin e anëtarësimit në NATO të martën. Pas samitit të NATO-s në Madrid, Stoltenberg tha se liderët kishin vendosur të mbështesin Kievin “për t’u siguruar që Ukraina të mbizotërojë si një shtet i pavarur sovran në Europë”.
· Presidenti i Turqisë ka paralajmëruar se Ankaraja mund të bllokojë ende pranimin e Finlandës dhe Suedisë në NATO nëse të dy vendet dështojnë të përmbushin plotësisht pritshmëritë e tij.
· Presidenti indonezian, Joko Widodo, mbërriti në Moskë, ku do t’i kërkojë Vladimir Putinit të bjerë dakord për armëpushim dhe të kërkojë mënyra për të lejuar eksportin e grurit nga Ukraina. Widodo u takua gjithashtu me presidentin ukrainas, Volodymyr Zelensky, të mërkurën gjatë një vizite të cilën e përshkroi si një “manifestim të shqetësimit të popullit indonezian për situatën në Ukrainë”./AnabelMedia/
