​Qeveria miraton projektligjin për Gjykatën Komerciale

Kabineti qeveritar ka miratuar projektligjin për Gjykatën Komerciale. Në mbledhjen e sotme u tha se themelimi i saj shënon një hap para në reformimin e drejtësisë komerciale në Republikën e Kosovës.

Ministrja e Drejtësisë, Albulena Haxhiu ka thënë se me themelimin e kësaj gjykatë do të përshpejtohet shqyrtimi dhe trajtimi i lëndëve komerciale.

Më tej, Haxhiu ka thënë se me këtë projektligj do të normohen politika adekuate, të cilat themelojnë një gjykatë të veçantë, ku do të merret ekskluzivisht me trajtimin e zgjidhjeve të kontesteve mes personave juridik, fizik dhe shoqërive tregtare.

Ministrja Haxhiu ka shtuar se themelimi i gjykatës komerciale shënon një hap para në reformimin e drejtësisë komerciale në Republikën e Kosovës.

Ministri i Financave, Hekuran Murati ka ngritur çështjen e pagesave të zyrtarëve dhe bashkëpunëtorëve profesionalë, që sipas tij duhet të përcaktohen në këtë projektligj që të jenë një vijë me Ligjin për Zyrtarët Publikë./KosovaPress

Read Previous

UNESCO rekomandon që “Great Barrier Reef” të futet në listën e trashëgimisë së rrezikuar

Read Next

​Anglia kundër Çekisë pa Mount e Chilwell