AI hyn fuqishëm në Hollywood, Netflix e përdor në qindra filma
Jurgen Klopp e ka fituar çmimin e trajnerit më të mirë të muajit janar në Premier Ligë.
Trajneri i Liverpoolit e fiton çmimin në fjalë për të 10-ën herë në karrierën e tij, dhe të parin që nga maji i vitit 2021, raporton KosovaPress.
Kjo gjë nënkupton se vetëm tre trajnerë në histori të Premier Ligës e kanë fituar çmimin në fjalë më shumë se Klopp, i cili barazohet me trajnerin e West Hamit, David Moyes.
Liverpooli i Klopp ishte i vetmi ekip që luajti tre ndeshje të Premier Ligës dhe t’i fitojë që të tri ndeshjet në janar, muaj ky në të cilin ai njoftoi për largimin e tij nga klubi në fund të sezonit.
Liverpooli mposhti Newcastle United, Bournemouth dhe Chelsean, duke shënuar nga katër gola në secilën fitore dhe duke e mbyllur muajin në krye të tabelës së Premier Ligës.
Klopp mposhti Mikel Artetan e Arsenalit, Rob Edwards të Luton dhe Pep Guardiolan e Manchester Cityt për ta fituar çmimin e trajnerit më të mirë të muajit në Premier Ligë.
