Në ditën e sotme, 18 vjet më parë, filluan sulmet ajrore të forcave të NATO-s kundër caqeve serbe në Kosovë dhe në Serbi.

Majorët policorë Nenad Simiq, Ivan Aksentijeviq, Sasha Millutinoviq dhe Sreçko Banoviq, të caktuar nga Prishtina në pozitat udhëheqëse të policisë në veri, dhe të cilët është dashur të fillojnë punën e tyre në pozitat e reja që nga dita e hënë, nuk janë paraqitur në punë fare gjatë dy ditëve të kaluara.

Avokati Arianit Koci në 19-vjetorin e “Epopesë së Dukagjinit ka thënë se trimat e Kosovës, me në krye Ramush Haradinajn 19 vjet më parë na e kanë kthyer dinjitetin.

E ashtuquajtura organizata "Syri i Popullit" ka marrë përgjegjësinë për aktin e plagosjes së avokatit Azem Vllasi.

Sot mbahet raundi i dytë i garave të matematikës, ku do të marrin pjesë 21 nxënës fitues të Olimpiadës Matematike të Kosovës, të mbajtur më 25 shkurt të këtij viti.

Policia e Kosovës bëri të ditur se mbrëmë vonë është arrestuar edhe  i dyshuari i tretë në lidhje me plagosjen e avokatit, Azem Vllasi.

Presidenti i Kosovës, Hashim Thaçi, derisa ka folur për inicimin themelimit të Ushtrisë së Kosovës, ka shtuar se ne vend ka pasur konsensus për votimin e saj në vitin 2014.

Viktima mashkull i mitur, ka pranuar trajtim mjekësor në QKUK, pasi që i njëjti pas një zënke është sulmuar fizikisht me thikë nga disa të dyshuar meshkuj poashtu të mitur.

I ashtuquajturi drejtor në Zyrën për Kosovë, Marko Gjuriq, ka porositur të mërkurën se Qeveria e Serbisë do të propozojë në seancën e radhës të Kuvendit të anulohet “vendimi i kundërligjshëm” i autoriteteve në Prishtinë për “përvetësimin” e pronës së Serbisë.

Policia e Kosovës njofton se ka arrestuar të dyshuarin mashkull, pasiqë i njëjti në bashkëpunim me një të dyshuar tjetër i cili gjendet në arrati, kanë përdoruar fjalë fyese pranë lapidarit të Dëshmorëve të Kombit.

Me urdhër të Gjykatës Themelore në Mitrovicë, dega në Skenderaj, është bastisur shtëpia e të dyshuarit mashkull K-Shqiptar ku janë gjetur dhe konfiskuar: një revole, 26 gëzhoja të cal. 7.62mm, 3 gëzhoja të cal. 7.62mm, 72.48 gramë marihuanë, 55 kartëmonedha prej 20 euro që dyshohet të jenë të falsifikuara, 8 kartëmonedha prej 10 euro që dyshohet të jenë të falsifikuara.

Dy femra dhe dy meshkuj kanë përfunduar të arrestuar nga Policia e Kosovës, nën dyshimin se janë përfshirë në veprën mundësim i prostitucionit.

Njësiti policor gjatë një pike kontrolli ka tentuar që ta ndalojë veturën Land Rover të cilin e drejtonte i dyshuari mashkull i komunitetit serb, ku i njëjti në ikje e sipër ka shtënë me armë zjarrit në drejtim të zyrtarëve policorë.

Kryeministri i Kosovës, Isa Mustafa, i shoqëruar nga ministri i Kulturës, Rinisë dhe Sportit, Kujtim Shala dhe kryetari i Federatës së Futbollit të Kosovës, Fadil Vokrri, vizituan vendin ku pritet të nisin punimet për ndërtimin e Stadiumit Kombëtar të Kosovës.

Policia në Vushtrri ka arrestuar një person të dyshuar për posedim të pautorizuar të armës.

Të dyshuarve për plagosjen e avokatit Azem Vllasi, sot do t’u caktohet masa e sigurisë nga ana e gjyqtarit të procedurës paraprake.

Konsumatorët në Kosovë mbeten të rrezikuar për shëndetin e tyre nga produktet jocilësore dhe nga tregtarët mashtrues.

Me rastin e Ditës Botërore të Konsumatorit, kryetari i  Organizatës “Konsumatori , Selatin Kaçaniku tha se shëndeti i qytetarëve ende mbetet në rrezik nga produktet jocilësore dhe nga mashtrimet e tregtarëve, si për abuzim me afatet e edhe për çmimet.

Në institucionet që merren me ankesat e konsumatorëve në Agjencinë e Ushqimit dhe në Ministrinë e Tregtisë kanë deklaruar se në krahasim me vitet e kaluara ka shënuar ngritje numri i ankesave nga konsumatorët për mashtrim dhe produkte ushqimore jocilësore.

Por, Selatin Kaçaniku është skeptik për zgjidhjen e këtyre ankesave pasi që sipas tij ato më shumë bëhen sa për t’i arsyetuar punonjësit se sa që merren parasysh.

Në Agjencinë e Ushqimit dhe Veterinës, thonë se të gjitha parregullsitë që janë evidentuar nga ankesat e ankesat e konsumatorëve i ka dërguar në gjykatë.

Ushtruesi i detyrës së drejtorit të Inspektoratit në Agjencinë e Ushqimit dhe Veterinës, Ibrahim Tërshnjaku, tha për KosovaPress se  Agjencia si prioritet ka shqyrtimin e ankesave të konsumatorëve me qëllim mbrojtjen e shëndetit publik.

Aktiviteti i tyre sipas tij është me dinamizëm të lartë, duke i siguruar qytetarët që organet kompetente për kontrolle janë duke kryer punën bazuar me planet zyrtare dhe bazuar në shqyrtimin e ankesave të konsumatorëve.

Sipas Tërshnjakut vetëm në dy mujorin e parë të këtij viti, AUV ka asgjësuar mbi 150 mijë kilogramë produkte të mishit si jocilësor.

“Kemi vërtetë një numër të madh të produkteve ushqimore, të cilat asgjësohen qoftë me kërkesën e palëve qoftë gjatë kontrollit. Për këtë javë kemi asgjësuar 30 tonë mish nga të gjeturat tek operatorët e biznesit ushqimor dhe të atyre prodhues. Kemi asgjësuar diku rreth 100 mijë ushqime konditorike vetëm në muajin shkurt”, tha Tërshnjaku.

Tërshnjaku thotë se të gjitha ankesat që dërgohen në adresë të AUV-it do të shqyrtohen në afat së më të shkurtër kohor.  

E këto ankesa nga konsumatorët kanë shënuar rritje.

Në Departamentin për Mbrojtjen e Konsumatorit në Ministrinë e Tregtisë dhe Industrisë konfirmojnë se në vitin 2016 ka pasur 250 ankesa ndërsa në vetëm dy muajt e parë të këtij viti janë paraqitur rreth 60 ankesa.

Udhëheqësi i Departamentit për Mbrojtjen e Konsumatorit në MTI,  Nijazi Shala, për KosovaPress, theksoi se ka shënuar rritje numri i ankesave prej konsumatorët, ku në vitin 2016 kanë qenë 250 ankesa, kurse në dy muajt e parë të këtij viti janë paraqitur rreth 60 sosh.

Udhëheqësi i këtij Departamenti Nijazi Shala ankesat  më të shpeshta janë për produktet ushqimore dhe për mos respektim të garancioneve nga tregtarët.

“Kur është puna të produktet ushqimore është goxha me peshë, kemi mjaft ankesa në atë drejtim  edhe në relacionet tregtare në aspekt me garancionet. Në raste të caktuara nuk i respektojnë tregtarët garancionet dhe kjo është shqetësuese… Për dy muajt e parë kemi pasur rreth 60 ankesa”, tha Shala.

Sipas tij ky Departament me përgjegjësi të lartë  procedon ankesat e qytetarëve për zgjidhjen e tyre.

Sot në Kosovë shënohet edhe Dita Botërore Konsumatorit, që për qëllim ka mbrojtjen e konsumatorëve.

Mbrojtja, ka të bëjë me ruajtjen e shëndetit dhe sigurisë së konsumatorëve, si dhe me mbrojtjen e tyre nga çdo praktikë abuzive e tregtarëve. /KosovaPress/

Sot në orët e mëngjesit, rreth orës 06:00, policia e Kosovës në Skenderaj ka realizuar një urdhër kontroll të një shtëpie, ku ka rezultuar me gjetjen dhe konfiskimin e një pistolete.

Njësitë e Doganës së Kosovës sot në orët e para të mëngjesit kanë filluar një aksion tek lokacionet e dyshuara për mbledhjen dhe shpërndarjen e mallrave të kontrabanduara.

Presidenti i Kosovës, Hashim Thaçi, në një kolumne për mediumin e njohur amerikan “Politico.eu”, edicioni për Evropën, është shprehur se pas viteve të bashkëpunimit me NATO-n, Kosova është e gatshme për të krijuar forcës e saj mbrojtëse.