Zbulohet se kur do të debutojë Ronaldo te Man United

Debutimi i Cristiano Ronaldos me Manchester United mund të shtyhet për ditën e martë në ndeshjen e Champions ndaj Young Boys për shkak të karantinës që duhet të kryejë portugezi.

CR7 sipas The Sun do të ketë vetëm një ditë stërvitje me shokët e tij të skuadrës pasi do të jetë i izoluar për 5 ditë në rezidencën tij për shkak të rregullave të Covid-19.

Duke parë se si Solskjaer veproi me Varane, me francezin që priti dy javë për të bërë debutimin e tij, Ronaldo e ka thuajse të pamundur ndaj Newcastle edhe pse pritet të jetë në stol.

Ajo që “ngroh” sadopak tifozët e “Djajve të Kuq” është njoftimi se ai  pritet të bëjë një shëtitje vetëm në qendrën e fushës para fillimit të ndeshjes. /abcnews.al/