Trajneri i Bad News Eagles, Klesti ‘stikle’ Kola konfirmon largimin me një letër emocionuese

Ekipi shqiptar Bad News Eagles ka ndarë rrugët me trajnerin e tyre Klesti ‘stikle’ Kola, këtë e ka konfirmuar ky i fundit me një letër emocionuese në rrjetet sociale.

Siç duket ky ndryshim vjen pasi lojtarët dhe trajneri kanë pasur vizione të ndryshme rreth të ardhmes së ekipit.

Bad News Eagles së bashku me stikle-n si trajner kanë arritur që të shkruajnë historinë duke u kualifikuar në dy turne Major.

Tani stikle pas largimit nga Bad News Eagles do të jetë jashtë skenës së CS:GO për një kohë siç duket, dhe do t’i kushtoj rendësi më shumë shëndetit mental.

“Unë kam vendosur për sezonin e ardhshëm që të ndahem me ekipin e Bad News Eagles. Vendimi vjen pasi kemi vizione dhe aspirata të ndryshme për të ardhmen e ekipit. Mendoj se do të jetë një ndryshim i mirë për të dyja palët për të çuar më tej zhvillimet përkatëse”.

“Ne jemi rritur së bashku dhe kemi arritur atë që disa mendonin se ishte e pamundur, por kjo nuk do të thotë se është fundi për asnjërin prej nesh, ai mund të jetë thjesht fillimi i diçkaje më të madhe. I vlerësoj të gjitha momentet që përjetuam së bashku me ekipin, tifozët, familjen dhe miqtë e ngushtë dhe nuk do t’i harroj kurrë për pjesën tjetër të jetës sime”.

Ndërkohë që stikle është larguar, ende nuk dihet se kush do të jetë trajneri i radhës i ekipit shqiptar Bad News Eagles. /Telegrafi/

Read Previous

Tre “përbindëshat” e hekurt të NATO-s zbarkojnë në Egje, çfarë po ndodh mes Greqisë dhe Turqisë?

Read Next

​Nju Jorku e Singapori, qytetet më të shtrenjta për të jetuar në botë në vitin 2022