Aksidentohet një kamion me një veturë në Gjakovë, lëndohet një person
Forcat ruse shënjestruan një rafineri të madhe të naftës ukrainase në një seri sulmesh të shtunën në mëngjes, sipas një zëdhënësi të ushtrisë së vendit.
Rafineria, në qytetin qendror të Ukrainës, Kremenchuk, u godit nga “armë me precizion të lartë ajrore dhe me bazë deti”, tha zëdhënësi i Ministrisë ruse të Mbrojtjes, gjeneralmajor Igor Konashenkov në një konferencë të shtunën, raporton CNN, transmeton Bota sot.
Konashenkov tha se ushtria ruse kishte shkatërruar objektet e magazinimit që mbanin karburante benzinë dhe naftë që po furnizonin trupat ukrainase në rajonet lindore dhe qendrore të vendit.
Rusia goditi gjithashtu aeroportet ushtarake në Poltava dhe Dnipro, qytete në lindje të Kremenchuk, duke përdorur raketa me bazë ajrore me precizion të lartë, tha Konashenkov.
Çfarë thotë Ukraina: Dmytro Lunin, guvernatori i rajonit ukrainas të Poltava ku ndodhet rafineria, tha se tre avionë rusë kryen sulmin rreth orës 6 të mëngjesit me orën lokale. Lunin tha se nuk dihet nëse dikush u lëndua në sulm, por shërbimet e urgjencës po shuanin zjarrin të shtunën në mëngjes.
Lunin tha gjithashtu se katër raketa ruse goditën objektiva të tjera në Poltava rreth orës 2 të mëngjesit. Kompania më e madhe e naftës në Ukrainë Ukrnafta operon një rafineri nafte në Kremenchuk, sipas kompanisë./Botasot/
