Aksidentohet një kamion me një veturë në Gjakovë, lëndohet një person
Forcat ruse kanë sulmuar disa zona të ndryshme përreth Ukrainës. Pushtimi nisi nga Donbasi dhe deri më tani raportohet për 7 të vrarë dhe 9 të tjerë të plagosur.
Presidenti Vladimir Putin paralajmëron vendet e tjera se çdo përpjekje për të ndërhyrë do të çonte në pasoja të rënda që s’janë parë ndonjëherë deri më tani.
Sipas zyrtarëve ukrainas, vala fillestare e sulmeve përfshinte raketa, artelieri dhe sulme ajrore që goditën infrastrukturën ushtarake dhe pozicionet kufitare, duke përfshirë edhe bazat ajrore. Tre orë pas sulmit që nisi në orët e para të mëngjesit, Ministria ruse e Mbrojtjes pretendon se kishte “neutralizuar” bazat ajrore dhe mbrojtjen ajrore të Ukrainës.
Çfarë po ndodh me qytetarët?
Pas shpalljes së gjendjes së luftës nga ana e presidentit ukrainas, Zelenskyi, qytetarët kanë nisur të largohen nga Kievi për t’i shpëtuar sulmeve ruse, ndonëse kreu i Ukrainës i bëri thirrje të qëndrojnë të qetë. Deri tani ka shpërthime në të paktën 7 qytete të ndryshme të Ukrainës./Anabelmagaizne/
