Raporti i senatit amerikan: Covid-19 me shumë mundësi rrodhi nga një laborator kinez

Pandemia e Covid-19 me shumë mundësi erdhi si pasojë e rrjedhjeve në laboratorin kinez, sipas një raporti të Senatit. Ligjvënësit amerikanë janë shprehur se ka prova “të konsiderueshme” të një aksidenti në një strukturë kërkimore – ndërsa provat për një përhapje natyrore “ende mungojnë”.

Raporti i përkohshëm arriti në përfundimin se mosgatishmëria e Kinës për të bashkëpunuar ose për të hapur laboratorin në fjalë nënkuptonte se ajo “nuk e meriton mundësinë e dyshimit”.

Anëtarët Republikanë të Komisionit të Senatit për Edukimin Shëndetësor, Punën dhe Pensionet shqyrtuan qindra studime mbi origjinën e Covid dhe intervistuan ‘disa dhjetëra’ ekspertë gjatë 15 muajve të fundit.

Duke shkruar në raport, ata përfundojnë: “Bazuar në analizën e informacionit të disponueshëm publikisht, duket e arsyeshme të konkludohet se pandemia e COVID-19 ishte, më shumë e mundshme sesa jo, rezultat i një incidenti të lidhur me kërkimin.”

Ata shtojnë: “Afro tre vjet pas fillimit të pandemisë COVID-19, mungojnë provat kritike që do të vërtetonin se shfaqja e SARS-CoV-2 dhe pandemia COVID-19 që rezultoi u shkaktua nga një përhapje natyrore zoonotike.”

/abcnews.al/