Qeveria britanike nën presion pasi emigracioni rritet në 1.2 milionë

Numri i emigrantëve që mbërritën në Britani në vitin 2022 arriti shifrat rekord prej 1 milion e 163 mijë, shifër e publikuar të enjten, me rritjen më të madhe mes njerëzve nga vendet jo-evropiane.

Migrimi neto, numri i njerëzve që mbërrinin minus numrin që largoheshin, u rrit në 606 mijë nga 504 mijë në 12 muajt deri në qershor, i nxitur nga hapja e botës pasi kufizimet e COVID-19 morën fund dhe skemat që u ofronin strehë njerëzve që ikin nga lufta dhe persekutimi në Ukrainë dhe Hong Kong, tha Zyra për Statistikat Kombëtare atje.

Shifrat, të cilat për herë të parë përfshijnë azilkërkuesit, tregojnë se pothuajse një milion prej të ardhurve ishin shtetas jo të BE-së, ndërsa vetëm 151 mijë ishin nga BE-ja. Britanikët që ktheheshin nga jeta jashtë shtetit përbënin pak më pak se 90 mijë të ardhur. Numri i të emigruarve ose i kthyer në vendin e tyre ishte 557 mijë.

/KlanKosova/