Hartimi i strategjisë për ish-krerët e UÇK-së, Konjufca: Mbledhja e radhës do të jetë të shtunën
Punëtorët teknikë të Kuvendit të Kosovës kanë protestuar të martën para ndërtesës së parlamentit, duke kërkuar që paga t’u rritet deri në 500 euro, nga 275 sa e kanë aktualisht.
Nëse kërkesat e tyre nuk realizohen, punëtorët teknikë kanë paralajmëruar edhe veprime të tjera sindikale.
Jusuf Azemi, Kryetar i Sindikatës së Sektorit Privat të Kosovës, gjatë kësaj proteste, ka theksuar se problemi është te kompania kontraktuese, pasi që nga 18 mijë euro, vetëm 6 mijë ndahen për punëtorët teknikë.
“Më shumë merr buxhet pronari i kompanisë”, tha Azemi para gazetarëve.
“Kemi dalë të protestojmë për paga të ulëta për punëtorët teknikë që kryejnë shërbime për Kuvendin e Kosovës. Që të jemi parimor ne kemi bë bisedë me sekretarin e Kuvendit dhe drejtorin e Administratës të cilët me përpikëri na kanë shpjeguar për procedurën e çështjes së pagave të punëtorëve”, shtoi.
Kuvendi i Kosovës, shpjegoi ai, “kompanisë ia përcjell 18 mijë euro brenda muajit për shërbimet që i kryejmë dhe ne e kemi komunikuar shumë mirë me sekretarin”.
“Problemi është tek kompania e cila kryen shërbime”, insistoi Azemi.
Kërkesa e vetme e protestuesve, siç ka thënë përfaqësuesja e punonjësve, Nazife Krasniqi, është që të marrin atë se çka iu takon me ligj.
“Ne kemi kërkuar me na u rrit pagat, kemi bisedu me sekretarin, drejtorin… aty është thënë se ka mundësi me u rrit pagat por neve operatori ekonomik nuk na është përgjigj. Nuk mund të punojmë me 275 euro kur kemi me udhëtu e kemi ushqim por nuk po na mjafton”, tha Krasniqi. /Albanianpost.com
