Zëdhënësja e Prokurorisë Speciale, Nora Luta, ka konfirmuar për KosovaPress se ish-ministri i Bujqësisë, Faton Peci, është intervistuar të premten, në cilësinë e të pandehurit, në rastin e granteve.
Intervistimi i Pecit nga Prokuroria Speciale ka zgjatur mbi tri orë.
“Iu njoftojmë se z. Faton Peci është intervistuar në cilësinë e të pandehurit në rastin e granteve, i cili është në trajtim nga Prokuroria Speciale e Republikës së Kosovës”, tha Luta. /KosovaPress/
