Presidentja e Kosovës, Vjosa Osmani, shprehu falënderime për mbështetjen e Turqisë ndaj Kosovës gjatë takimit me ministrin e Jashtëm turk, Hakan Fidan.
Osmani theksoi se në këtë takim u diskutua për potencialin e bashkëpunimit në fushat e politikës së jashtme dhe mbrojtjes, si dhe në fusha të tjera të interesit të ndërsjellë. “Forcimi i partneritetit midis Kosovës dhe Turqisë mbetet përkushtim i përbashkët,” tha Osmani.
Gjatë ditës, ministri turk Fidan pati takime edhe me kryeministrin e Kosovës, Albin Kurti, dhe homologen e tij, Donika Gërvalla. /Klankosova.tv/
