O’Brien kërkon që Serbia t’i mbajë përgjegjës sulmuesit e Banjskës

Ndihmëssekretari i Shtetit Amerikan, për Europë dhe Euroazi, James O’Brien, po thotë se shteti i Serbisë, duhet t’i mbajë përgjegjës të përfshirët e sulmit të Banjskës në Kosovë.

Këto komente, O’Brien i dha përmes platformës X, ndërsa shton se dialogu i lehtësuar nga BE, ka mbështetje të fortë nga Shtetet e Bashkuara të Amerikës, ndaj dhe mirëpret vizitat e Lajçakut në Prishtinë e Beograd.

”Mirëpres vizitat e Miroslav Lajçakut tek Albin Kurti dhe Aleksandar Vuçiq. Mbështetje e fortë e SHBA-së, për dialogun e lehtësua nga BE. E nevojshme zbatimi i plotë i marrëveshjeve duke përfshirë AKS. Zgjedhjet e reja lokale në veri të Kosovës duhet të ecin përpara, koordinim para zbatimit të rregulloreve të reja të monedhave. Republika e Serbisë duhet të mbajë përgjegjës ata që janë përfshirë në sulmin e Banjskës”. /Klankosova.tv/

Welcome @MiroslavLajcak’s visits with @albinkurti & @predsednikrs. Strong 🇺🇸 support for 🇪🇺-facilitated Dialogue. Need full implementation of agreements, including ASM. New local elections in 🇽🇰's north should go forward; coordination before implementing new currency regulations.…— Assistant Secretary Jim O'Brien (@StateEUR) January 29, 2024