Në përgatitje për samitin e NATO-s të korrikut në Uashington, përfaqësues të rangut të lartë nga disa vende të NATO-s të Evropës Lindore do të takohen sot në Letoni.
Sekretari i përgjithshëm i NATO-s, Jens Stoltenberg do të marrë pjesë edhe në takimin njëditor të këshilltarëve nga i ashtuquajturi G9 në Bukuresht.
Grupi përfshin Poloninë, Rumaninë, Bullgarinë, Hungarinë, Republikën Çeke, Sllovakinë dhe tre shtetet baltike Estoninë, Letoninë dhe Lituaninë – me fjalë të tjera, shtetet përgjatë krahut lindor të NATO-s.
Grupi u themelua pas aneksimit nga Rusia të gadishullit të Krimesë të Ukrainës në 2014 me iniciativën e Polonisë dhe Rumanisë.
Samiti i radhës i rregullt i NATO-s do të mbahet në Uashington nga 9 deri më 11 korrik.
Në axhendë është mbështetja e mëtejshme për Ukrainën, e cila është nën sulmin e Rusisë.
Në të njëjtën kohë do të festohet edhe 75-vjetori i Aleancës së Mbrojtjes Transatlantike.
NATO u themelua në kryeqytetin amerikan në vitin 1949 nga SHBA, Franca, Britania e Madhe dhe nëntë shtete të tjera perëndimore.
Letonia, Estonia, Lituania, Rumania, Bullgaria dhe Sllovakia iu bashkuan NATO-s më 29 mars 2004, ndërsa Republika Çeke, Polonia dhe Hungaria u bashkuan pesë vjet më parë, më 12 mars 1999./ /os/
