Kryeministri i Greqisë, Kyriakos Mitsotakis, ka riktheksuar se qëndrimi i Greqisë në lidhje me Kosovën mbetet i pandryshuar.
“Ju e dini që qëndrimi jonë në lidhje me Kosovën mbetet i pandryshuar, dhe ne besojmë se ndërmjetësimi evropian dhe dialogu janë rruga e vetme për normalizimin e marrëdhënieve në mes dy palëve. Kjo, do t’i ndihmonte në mënyrë të konsiderueshme , stabilitetin në rajon që është qëllimi për të gjithë ne.” ,theksoi Mitsotakis.
Mitsotakis, shtoi se “me shqetësim po i përcjellim zhvillimet e muajve të fundit”. Kurse shtoi se integrimi i krejt Ballkanit Perëndimor në BE, është synim strategjik i republikës helene.
Kryeministri grek shtoi tutje se Greqia e mbështet fuqishëm Serbinë në rrugën e saj evropiane dhe se çështjen e zgjerimit evropian e ka diskutuar shumë herë në Bruksel, sepse, siç tha ai, ka një të ardhme evropiane për Serbinë dhe Ballkanin Perëndimor./Express/
