Aksidentohet një kamion me një veturë në Gjakovë, lëndohet një person
Kryetari i Partisë Demokratike të Kosovës, Memli Krasniqi, gjatë vizitës në Bruksel është takuar me Komisionerin e Bashkimit Evropian për Fqinjësi dhe Zgjerim, Oliver Varhelyi.
Krasniqi ka thënë se bashkë kanë diskutuar për procesin e integrimit evropian të Kosovës dhe rëndësinë që shteti të mos lihet mbrapa në këtë proces.
“Për shtetin dhe qytetarët tanë, është tejet e nevojshme që perspektiva evropiane të jetë e qartë dhe e prekshme. Për PDK-në, anëtarësimi i Kosovës në Bashkimin Evropian dhe institucionet euro-atlantike, është vizioni, misioni dhe rruga e vetme përpara”, ka shkruar kreu i PDK-së në rrjetin social Facebook.
Për takimin ka njoftuar edhe Varhelyi përmes një postimi në rrjetin social “X”.
“Diskutuam me kryetarin e PDK-së Memli Krasniqi të ardhmen e Kosovës në rrugën e saj drejt BE-së. Normalizimi i marrëdhënieve me Serbinë është thelbësor për të mundësuar përparimin. Situata në veri të Kosovës duhet të zgjidhet me prioritet”, tha Varhelyi. /Telegrafi/
Discussed with PDK Chairman @MemliKrasniqi the way forward for #Kosovo on its EU path.
Normalisation of relations with #Serbia is essential to enable progress.
The situation in North of Kosovo needs to be solved as a matter of priority. pic.twitter.com/t8nzZ8cv7W— Oliver Varhelyi (@OliverVarhelyi) November 16, 2023
