Kosova dhe Mbretëria e Bashkuar me deklaratë të përbashkët për bashkë-zbarkime të Forcave ushtarake

Sot është nënshkruar deklarata e përbashkët ndërmjet Kosovës dhe Mbretërisë së Bashkuar për bashkë-zbarkime të forcave të dy vendeve në misione ushtarake.

Lajmin e bëri të ditur ministri i Mbrojtjes i Republikës së Kosovës, Armend Mehaj.

Lexoni të plotë postimin:

Nënshkruhet deklarata e përbashkët Mbretëri e Bashkuar – Kosovë për bashkë-zbarkime të forcave të dy vendeve në misione ushtarake

Ministri i Mbrojtjes Armend Mehaj, gjatë vizitës zyrtare në Mbretërinë e Bashkuar u prit në Ministrinë e Mbrojtjes së Mbretërisë së Bashkuar dhe Irlandës Veriore nga Ministri i Forcave të Armatosura dhe Veteranëve, James Heappey.

Ky takim, përveç konfirmimit të mbështetjes nga ana e Mbretërisë së Bashkuar në synimet tona për integrim në NATO, i paraprinë edhe planit tonë të bashkëpunimit për vitet në vijim.Reklama

Në kuadër të këtij bashkëpunimi është nënshkruar deklaratë e përbashkët ndërmjet ministrave për bashkë-zbarkimin e FSK-së me Ushtrinë britanike në misionet ku angazhohet Mbretëria e Bashkuar me trupat e saj ushtarake.

Gjithashtu,  gjatë takimit, Ministri Mehaj ofroi mbështetje me të gjitha kapacitetet në kuadër të përpjekjes për të ndihmuar Qeverinë  dhe popullin e Ukrainës si dhe ritheksoi qëndrimet tona kundër agresionit rus në Ukrainë.

Deklarata e përbashkët për bashkë-zbarkim është e arritur shumë e madhe e Republikës së Kosovës e cila rikonfirmon fuqishëm besueshmërinë e plotë të Mbretërisë së Bashkuar dhe Qeverisë së saj në Ministrinë tonë të Mbrojtjes dhe kapacitetet e forcave tona. 

/Telegrafi/

Read Previous

Cili është qyteti ku nuk lejohet të vdesësh?

Read Next

Kujtohet dirigjenti Bahri Çela, një prej më meritorëve që vuri themelet e institucionit të Filharmonisë së Kosovës