Aksidentohet një kamion me një veturë në Gjakovë, lëndohet një person
Kanadaja do t’i kthejë Gjermanisë një turbinë ruse të riparuar që i nevojitet për gazsjellësin Nord Stream 1, pavarësisht kundërshtimeve nga Ukraina.
Ministri i Burimeve Natyrore të Kanadasë, Jonathan Wilkinson, tha në një deklaratë të shtunën se qeveria po lëshonte një “leje të kufizuar dhe të revokueshme” për të përjashtuar kthimin e turbinave nga sanksionet e saj ruse, për të mbështetur “aftësinë e Evropës për të hyrë në energji të besueshme dhe të përballueshme. ndërsa vazhdojnë të largohen nga nafta dhe gazi rus”.
Wilkinson tha se leja e eksportit u lëshua pas diskutimeve me “miqtë dhe aleatët tanë evropianë” dhe Agjencinë Ndërkombëtare të Energjisë.
Gazprom i Rusisë shkurtoi kapacitetin e gazsjellësit Nord Stream 1 nga Rusia në Evropë në vetëm 40% të niveleve të zakonshme muajin e kalua.
Kremlini tha të premten se do të rriste furnizimin me gaz në Evropë nëse turbina do të kthehej.
Kanadaja e cila ka qenë nën presionin e Gjermanisë për të gjetur një mënyrë për të kthyer turbinën tha se “në mungesë të furnizimit të nevojshëm me gaz natyror, ekonomia gjermane do të vuajë vështirësi shumë të mëdha dhe vetë gjermanët do të rrezikohen të mos jenë në gjendje të ngrohin shtëpitë e tyre me afrimin e dimrit”.
Turbina do të dërgohet fillimisht në Gjermani, e cila më pas do t’ia dorëzojë Gazpromit të kontrolluar nga shteti rus, tha një burim qeveritar për Reuters në fillim të kësaj jave.
Qeveria gjermane nuk iu përgjigj menjëherë një kërkese për koment të shtunën, por konfirmoi të premten se mori një sinjal pozitiv nga Kanadaja në lidhje me turbinën./oranews.tv/
