• 8 February, 2023

Franca: Gjatë 2022 u shkatërruan 325 rrjete të organizuara të emigrantëve të paligjshëm

Në vitin 2022, në Francë u shkatërruan 325 rrjete të organizuara të emigrantëve të paligjshëm, pra 7% më shumë se në vitin 2021.

Kështu thuhet në një raport të gazetës Le Figaro duke cituar një raport të Ministrisë së Brendshme franceze.

Lufta  kundër këtyre rrjeteve kriminale ka marrë përmasa të tilla, sa ministri i Brendshëm, Géral Darmanen, ka vendosur të krijojë një Zyrë për Luftën kundër Kontrabandës së Emigrantëve (Oltim), me një kapacitet prej 130 punonjësish.

“Që nga forcimi i kontrolleve në kufijtë italianë dhe spanjollë, ne kemi parë një rritje të fortë të kalimeve të paligjshme të sirianëve, afganëve apo edhe tunizianëve nga Ballkani për të arritur në Austri apo Kroaci dhe më pas të kalojnë në Francë”, shpjegon kreu i njësisë, duke theksuar se “është e rëndësishme për ta të shkelin në zonën Shengen dhe më pas të paraqesin një kërkesë për azil për të shmangur dëbimin”.

Që nga fillimi i luftës në Ukrainë, trafikantët kanë diversifikuar rrugët e tyre, duke përmendur si shembull rrjetin “Air Tyrol”, i cili është shkatërruar në shtator 2022 nën kujdesin e Europol dhe Eurojust, i cili transportonte irakianët dhe iranianët nga Turqia me avionë nga një kompani amerikane në të gjithë Europën.

Gjithashtu, sipas informacioneve të gazetës, policia ka shkatërruar të paktën 47 rrjete vitin e kaluar, duke rezultuar në arrestimin e 167 trafikantëve.

Në këtë kategori të veçantë, qëllimi është transportimi i emigrantëve me varka të improvizuara nga brigjet franceze në Britani, duke theksuar se në vitin 2022, pothuajse 45,000 migrantë të paligjshëm nga rreth pesëdhjetë vende arritën në Britani përmes detit, krahasuar me 30,000 një vit më parë.

/abcnews.al

Read Previous

Reagon AKK: Komunat nuk e rritën tatimin në pronë

Read Next

Din Salihi dëshmitari që shpëtoi 29 vjeçaren që u hodh nga Ura e Fshajt, flet për televizionin Syri