Nga Ksamili te Alpet, “Skyscanner” promovon Shqipërinë si destinacionin më ekonomik për pushime
Korporata Energjetike e Kosovës ka nisur zbatimin e remontit të rregullt vjetor 30-ditor të njësisë B2 në Termocentralin Kosova B, në përputhje me bilancin vjetor energjetik, ka bërë të ditur kjo korporatë.
Sipas njoftimit, ky proces është pjesë e planifikimit të rregullt operativ dhe synon mirëmbajtjen teknike të njësisë, rritjen e sigurisë gjatë operimit si dhe garantimin e funksionimit të qëndrueshëm të saj.
“Ndërkohë, njësia B1 e TC Kosova B tashmë i është nënshtruar projekteve të mëdha modernizuese. Këto përfshijnë ndërtimin e elektrofiltrave dhe sistemit DeNOx, punime të cilat kanë nisur në muajin prill dhe pritet të përfundojnë në fillim të muajit dhjetor”, thuhet në njoftim.
Sipas KEK-ut, pas përfundimit të këtyre investimeve, pritet të rritet ndjeshëm siguria në operim, të zgjatet jetëgjatësia e njësisë për rreth 20 vite dhe të arrihet përputhshmëri me standardet më të larta të Bashkimit Evropian në mbrojtjen e mjedisit. /RTKlive
