Aksidentohet një kamion me një veturë në Gjakovë, lëndohet një person
42 mostra nga 3472 testime sa u realizuan gjatë 24 orëve të fundit kanë rezutuar si të infektuara me COVID 19, ka bërë të ditur raporti i publikuar nga Ministria e Shëndetësisë në bazë të të dhënave nga Instituti Kombëtar i Shëndetësisë Publike të Kosovës.
Raporti ka bërë të ditur që në 24 orët e fundit dy pacientë nuk ia kanë dalë ta mposhtin virusin korona.
Shifër e lartë e vaksinimeve është shënuar edhe gjatë kësaj periudhe kohore, ku raportohet për 14,821 të vaksinuar, shifër kjo që numrin total të dozave të administruara në nivel vendi e ka dërguar në 1,343,656 doza.
Ndërsa në raportin e Spitalit të Përgjithshëm “Isa Grezda” në Gjakovë, bëhet e ditur se aktualisht 21 pacientë janë të hospitalizuar si të infektuar me COVID19, ku në gjendje më të rënduar raportohen 13 pacientë që po trajtohen me oksigjeno terapi.
Në mesin e këtyre 21 pacientëve, bëhet e ditur se 7 nga ta janë shtetas të Shqipërisë.
