Ministria e Arsimit dhe Shkencës ndan 80 bursa për nxënësit e shkollave të mesme profesionale
Një nga figurat më me ndikim në industrinë botërore të teknologjisë është larguar papritur nga drejtimi i kompanisë Nvidia. Jensen Huang, bashkëthemeluesi dhe drejtuesi shumëvjeçar i gjigantit amerikan të çipave, ka dhënë dorëheqje, duke shkaktuar reagime të menjëhershme në tregjet financiare dhe pasiguri për të ardhmen e kompanisë.
Lajmi është konfirmuar nga Nvidia, e cila ka njoftuar se drejtoresha financiare, Colette Kress, do të marrë përkohësisht drejtimin e kompanisë deri në zgjedhjen e një pasardhësi të përhershëm.
Dorëheqja vjen pas raportimeve për marrëdhënie personale të Huang, përfshirë pretendime që kanë nxitur shqetësime në Shtetet e Bashkuara lidhur me sigurinë kombëtare dhe eksportin e teknologjisë së avancuar drejt Kinës.
Kompania ka deklaruar se nuk ka arsye të besojë se janë komprometuar sekretet e saj apo siguria kombëtare amerikane, ndërsa çështja është bërë objekt shqyrtimi.
Largimi i Huang ka goditur edhe tregjet financiare. Aksionet e Nvidia-s ranë mbi 4 për qind në përfundim të tregtimit të së enjtes, ndërsa investitorët po vlerësojnë ndikimin e mundshëm të ndryshimit të udhëheqjes.
Nvidia është një nga kompanitë qendrore të zhvillimit të inteligjencës artificiale, pasi çipat e saj përdoren gjerësisht në qendrat e të dhënave dhe sistemet që mbështesin modelet e avancuara të AI-së.
Ndryshimi në krye të kompanisë vjen në një periudhë kur investimet globale në inteligjencën artificiale po ndiqen me vëmendje të veçantë nga tregjet dhe qeveritë.
