GTA 6 pritet të sjellë fitime rekord, parashikohen miliona porosi paraprake
Dogana e Kosovës ka njoftuar se ka parandaluar hyrjen e 7 mijë e 500 produkteve të falsifikuara, gjatë një kontrolli të një ngarkese të paraqitur për import përmes Portit të Durrësit.
Lajmin e ka bërë të ditur dogana përmes një komunikate për media.
“Gjatë ekzaminimit, janë identifikuar gjithsej 7500 copë mallra me shenja të një marke të njohur tregtare, të përfshira në këto kategori: Mbushës telefoni – 1 mijë e 250 copë, koka mbushës telefoni – 5 mijë e 750 copë, kufje dhe dëgjues me bluetooth – 500 copë”, thuhet në komunikatë.
Ky institucion ka sqaruar se mallrat kanë përmbajtur dy paketimë, ku në paktimin e jashtëm brendi i produktit nuk ishte i cekur derisa pas hapjes është identifikuar se paketimi përmbante brende të falsifikuara.
Dogana ka shtuar se mbesin të përkushtuar në mbrojtjen e tregut dhe konsumatorëve nga mallrat e falsifikuara dhe do të ndërmarrë të gjitha veprimet ligjore në përputhje me kompetencat e saj. /Albanianpost.com
