“Puna që shihet nuk do koment”, kështu po thonë disa nga banorët e fshatit Rakovinë të cilët u shprehën të shqetësuar me situatën e ndodhur të lagjeve Sejdaj dhe Olluri. Ka disa vite që banorëve të kësaj zone po u duhet të ballafaqohen me problemin e njëjtë. Rritja e nivelit të ujit po u rrezikon jetën dhe shtëpitë të cilat janë buzë përroit që kalon në mes të fshatit Rakovinë.
Nuk kaloi shumë kohë dhe në vend të ngjarjes arriti ekipi i Drejtorisë së Emergjencave dhe ekipi punues i KRM “Gjakova” të cilët menjëherë nisën punën për rregullimin e gypit, defekti i të cilit linte tri deri në katër shtëpi pa ujë të pijes. Kështu tha Dafina Syla-Dina, zëdhënëse e kësaj kompanie.
Nga ana tjetër Vehat Hoxhaj, drejtor i emergjencave ka thënë se intervenimi i mëhershëm në këtë pjesë ishte i pamundur për shkak të vërshimeve.
Bëjmë të ditur se ekipet punuese i lamë duke punuar me qëllim të sanimit të këtij dëmi.
