ATK: Të hyrat tatimore u rritën 14% në gjashtëmujorin e parë
Izraeli ka ndarë me autoritetet amerikane informacione të inteligjencës që sinjalizojnë se Irani ka hartuar një plan të ri për atentat ndaj presidentit amerikan Donald Trump, raportoi CNN, duke cituar burime të njohura me çështjen.
Sipas raportit, informacioni u është përcjellë zyrtarëve amerikanë në një periudhë tensionesh të larta mes Shteteve të Bashkuara, Izraelit dhe Iranit. Burimet theksojnë se kërcënimi lidhet me premtimet e vazhdueshme të Teheranit për hakmarrje pas vrasjes së gjeneralit iranian Qassem Soleimani në vitin 2020.
I pyetur për raportimet, Trump deklaroi se nuk është i shqetësuar nga kërcënimet, duke theksuar se Irani e ka konsideruar prej kohësh objektiv. Ai shtoi se Shtetet e Bashkuara do të reagojnë me forcë nëse do të ndërmerrej ndonjë sulm ndaj tij.
Shtëpia e Bardhë nuk ka dhënë detaje shtesë mbi informacionin e inteligjencës dhe nuk ka komentuar publikisht masat e sigurisë që mund të jenë marrë. Nga ana tjetër, autoritetet iraniane nuk kanë reaguar zyrtarisht ndaj raportimeve për komplotin e pretenduar. /RTKlive&RTSH
