Aksidentohet një kamion me një veturë në Gjakovë, lëndohet një person
Verën e shkuar, Inter investoi afro 16 milionë euro për të transferuar në Milano atë që konsiderohej si një nga talentet më premtues në Serie A, Kristjan Asllanin. Mesfushori kuqezi shihej në sytë e të gjithëve si zëvendësuesi ideal i Brozovic, shpesh shihej më shumë se kaq, por pak nga pak, Asllani humbi, me Inzaghi që nuk e preferon në asnjë rrethanë.
Kjo situatë ka tërhequr vëmendjen e mediave italiane, një vendim ky i trajnerit që është i vështirë për tu shpjeguar. Nëse Inzaghi qëndron në krye të Interit është e sigurt se Asllani do të largohet, me shumë mundësi në formë huazimi.
Mediat kanë zbuluar se Inter mund të përfshijë Asllanin në negociata për të arritur tek Davide Frattesi, mesfushori i Sassuolos. Në moshën e tij, 21 vjeç, Asllani ka nevojë për minuta më shumë se kurrë, diçka që Sassuolo mund t’ia ofrojë.
Te Sassuolo, Asllani do të rigjente Nedim Bajramin, por dhe Dionisin, trajner që e mori për herë të parë tek Empoli.
Asllani vjen në grumbullimin e parë të Sylvinho-s thuajse me zero minuta në këmbë. Interesi është i madh për të kuptuar se çfarë ka në plan tekniku brazilian për mesfushorin kuqezi.
(BalkanWeb)
