Arrestohet një person për armëmbajtje pa leje në Gjakovë

Një person arrestohet nën dyshimin se kishte shtënë me armë në rrugën “Sulejman Hadum Aga”, në Gjakovë.

Sipas një njoftimi nga policia për rajonin e Gjakovës, bëhet e ditur se në posedim të të dyshuarit është gjetur dhe sekuestruar një pistoletë me një karikator dhe dy gëzhoja.

“Stacioni Policor në Gjakovë pasi kishte pranuar informatë për të shtëna me armë zjarri në rrugën “Sulejman Hadum Aga” në Gjakovë, menjëherë ju kanë përgjigjur rastit dhe kanë arrestuar të dyshuarin B.P., mashkull, shtetas i Republikës së Kosovës, lindur në vitin 2005, mbi dyshimin se i njëjti kishte shtënë me armë zjarri.

Në posedim të të dyshuari është gjetur dhe sekuestruar një pistoletë me një karikator dhe dy gëzhoja”, thuhet në njoftim.

Po ashtu, lidhur me rastin është njoftuar Prokurori i Shtetit, me vendimin e të cilit personi i dyshuar është ndaluar në mbajtje për 24 orë.Reklama

“Ndaj tij është iniciuar rast për vepër penale ‘Përdorim i armës apo mjetit të rrezikshëm’ dhe ‘Mbajtje në pronësi, kontroll ose posedim të paautorizuar të armëve’ “, thuhet në njoftim. 

/Telegrafi/