Alpinisti amerikan ngjitet pa litar në ndërtesën 101-katëshe në Tajvan

Alpinisti amerikan Alex Honnold ka ngjitur me sukses ndërtesën Taipei 101 pa përdorur litar, rrip sigurie apo ndonjë pajisje tjetër mbrojtëse. Ndërtesa, e cila ka 101 kate dhe është e gjatë 508 metra, është ndërtuar nga çeliku, xhami dhe betoni, dhe është e dizajnuar për t’u dukur si një bambu.

Honnold, i njohur për ngjitjen e parë të El Capitan në Parkun Kombëtar Yosemite në Kaliforni pa litar, e ka përshkruar këtë arritje në Taipei si një sukses madhor. Ngjitja, e cila ishte planifikuar fillimisht për të shtunën, u shty për shkak të motit, shkruan BBC.

Ngjitja u transmetua drejtpërdrejt në Netflix, me paralajmërimin se transmetimi mund të vonohej në rast të ndonjë incidenti të rrezikshëm. Honnold e përfundoi ngjitjen në një orë e 31 minuta, dhe arritjen e festoi thjesht me një fjalë: “Sick.”

Alain Robert, një francez i njohur si “Spiderman”, arriti majën e Taipei 101 në katër orë, por ai përdori litar dhe rrip sigurie./koha.net