Aksidentohet një kamion me një veturë në Gjakovë, lëndohet një person
· Presidenti ukrainas Volodymyr Zelensky ka thënë se Donbasi, ku Rusia po përqendron tani sulmet kryesore, është “shkatërruar plotësisht”. “Ka ferr, dhe ky nuk është një ekzagjerim,” tha ai në fjalimin e zakonshëm çdo mbrëmje vonë. “Bombardimet dhe granatimet e qyteteve të tjera, sulmet ajrore dhe raketat e ushtrisë ruse – e gjithë kjo nuk është vetëm armiqësi gjatë luftës.”
· Ministria e Jashtme e Rusisë tha se do të konsideronte lejimin e aksesit në portet e Detit të Zi të Ukrainës vetëm nëse konsiderohej heqja e sanksioneve kundër Rusisë. Kreu i OKB-së për ushqimin, David Beasley, iu lut presidentit Vladimir Putin, duke thënë se miliona do të vdisnin në mbarë botën për shkak të bllokimit të porteve.
· Presidenti amerikan, Joe Biden, tha se Finlanda dhe Suedia “përmbushin çdo kërkesë të NATO-s” për t’u bashkuar me aleancën dhe për të pasur “mbështetjen e plotë” të SHBA-së. Duke folur në një konferencë të përbashkët shtypi në Shtëpinë e Bardhë me kryeministren e Suedisë, Magdalena Andersson dhe presidentin e Finlandës, Sauli Niinisto, ai tha gjithashtu se ishte i bindur se shqetësimet e Turqisë në lidhje me anëtarësimin e tyre mund të adresoheshin.
· Udhëheqësit financiarë të G7 kanë rënë dakord për ndihmë prej 18.4 miliardë dollarësh për të ndihmuar Ukrainën dhe thanë se ishin të gatshëm të qëndronin në krah të Kievit dhe të “bënin më shumë sipas nevojës”, sipas një plani të parë nga Reuters. Ministrat e financave dhe guvernatorët e bankave qendrore të SHBA-së, Japonisë, Kanadasë, Britanisë, Gjermanisë, Francës dhe Italisë po zhvillojnë bisedime pasi Ukrainës po i mbarojnë të ardhurat.
· McDonald’s ka arritur një marrëveshje për t’i shitur të gjitha pikat e kompanisë në Rusi. Ato do t’i shiten një prej të licencuarve, biznesmenit Alexander Govor, i cili do t’i operojë ato me një emër të ri.
Burimi: Guardian
