Zgjodhën mëngjesin e hershëm për hapjen e fushatës. Kandidatët për asamble komunale nga radhët e Vetëvendosjes dhe Alternativës, po bëheshin gati për të pritur kandidaten për kryetare të komunës së Gjakovës, Mimoza Kusari Lila. Pas intonimit të himnit kombëtar, Kusari-Lila iu drejtua qytetarëve të Gjakovës dhe kandidatëve të pranishëm duke u premtuar një udhëtim të të ri 4 vjeçar për qytetin.
Më pas Kusari Lila bëri prezantimin e 38 kandidatëve që do të kërkojnë votën e qytetarëve për përfaqësim në asamblenë komunale në Gjakovë. Vetëvendosje në zgjedhjet lokale përfaqësohen me numrin 144. Takimi hapës u mbajt nën masat kundër përhapjes së Covid-19.
