Komisioni Qendror i Zgjedhjeve ka njoftuar se gjatë periudhës 24 gusht deri më 7 shtator, ju mund të shikoni Listën e Votuesve e cila do të bëhet publike në zyrën e Komisionit Komunal të Zgjedhjeve në komunën tuaj.
Sigurohuni që emri juaj gjendet në Listën e Votuesve, verifikoni emrat e atyre që i njihni dhe sigurohuni se të gjithë janë përfshirë në Listën e Votuesve të komunës tuaj.
Po ashtu, nëse jeni regjistruar suksesshëm si votues jashtë Kosovës, mund ta shqyrtoni Listën Votuese në linkun: http://www.kqz-ks.org/sherbimet-per-votuesit/lista-votuese/
Për çfarëdo lëshimi apo parregullsie, duke përfshirë edhe emrat e personave që kanë ndërruar jetë e gjenden në Listën Votuese dhe me qëllim të përmirësimit të saj, gjatë kësaj periudhe, ju mund ta drejtoni ankesën pranë Gjykatës Themelore.
Formularin për ankesë mund ta gjeni në linkun: http://www.kqz-ks.org/sherbimet-per-votuesit/lista-votuese/, apo në zyrën e Komisionit Komunal të Zgjedhjeve.
Për informata shtesë kontaktoni këtë linjë ndihmëse pa pagesë: 0800 55 555
Mbani maskën dhe respektoni distancën!
