Mbi 30 milionë amerikanë kanë votuar para zgjedhjeve të mesmandatit
Në Kuvendin e Kosovës sot do të mbahen katër mbledhje të komisioneve parlamentare, ku në agjendë janë raportimi i drejtorit të Agjencisë së Kosovës për Inteligjencë (AKI), çështjet e barazisë gjinore, raporti financiar i Agjencisë Kosovare të Privatizimit dhe projektligjet për energjinë.
Në orën 10:00, Komisioni për Mbikëqyrjen e Agjencisë së Kosovës për Inteligjencë do të mbajë mbledhje, ku do të raportojë drejtori i AKI-së, Petrit Ajeti.
Në të njëjtën kohë, Komisioni për të Drejtat e Njeriut, Barazi Gjinore dhe Peticione do të zhvillojë takim me kryeshefen ekzekutive të Agjencisë për Barazi Gjinore, Edi Gusia.
Në orën 11:00, Komisioni për Buxhet do të shqyrtojë raportin vjetor financiar të Agjencisë Kosovare të Privatizimit për vitin 2025.
Ndërkaq, në orën 13:00, Komisioni për Ekonomi, Industri, Ndërmarrësi, Tregti dhe Inovacion do të shqyrtojë Projektligjin nr. 11/L-003 për energjinë dhe Projektligjin nr. 11/L-004 për energjinë elektrike.
Të gjitha mbledhjet do të mbahen në ambientet e Kuvendit të Kosovës.
