Komandanti i KFOR-it: Situata e sigurisë në Kosovë është përmirësuar ndjeshëm
Ish-sekretarja amerikane e shtetit, Hillary Clinton kërkoi të enjten qëndrim më të ashpër të SHBA-së nëse izraelitët rizgjedhin qeverinë e kryeministrit Benjamin Netanyahu, transmeton Anadolu.
“Pra, nëse izraelitët duan të votojnë përsëri për këtë, atëherë unë mendoj se SHBA-ja duhet të merr një pozicion shumë të ashpër”, i tha Clinton transmetuesit MS Now, duke iu referuar zgjedhjeve të përgjithshme në Izrael më 27 tetorit.
Clinton theksoi raportet e mediave duke thënë se Netanyahu mori një paralajmërim nga Emiratet e Bashkuara Arabe përpara 7 tetorit 2023 për planet e Hamasit për të kryer sulm.
Netanyahu ose nuk e besoi paralajmërimin ose mendoi se si mund ta përdorte skenarin në avantazhin e tij, në mënyrë që të “zbriste fort”, gjë që “do të rriste pozicionin e tij”, tha ajo.
“Ky ishte një dështim i udhëheqjes. Ky ishte një dështim i mbrojtjes së popullit të Izraelit”, tha Clinton.
“E kam thënë vazhdimisht, e dua Izraelin por e urrej qeverinë e Netanyahut dhe politikat e tij”, tha ajo.
“Unë e dua Amerikën por e urrej qeverinë dhe politikat e Trumpit”, shtoi Clinton për presidentin Donald Trump, kundërshtarin e saj në zgjedhjet e vitit 2016, të cilat ajo i humbi, duke vendosur Trumpin për mandatin e tij të parë në detyrë.
Clinton tha se mund të bënte një ndryshim nëse Netanyahu nuk do të ishte më kryeministër: “Unë do të shpresoja që një kryeministër i ri do të godiste dhunën e kolonëve në Bregun Perëndimor. Nuk duhet të ketë mosndëshkim për këtë lloj dhune”.
Ajo paralajmëroi se lejimi i njerëzve që të kenë atë nivel dhune në një shoqëri është “e padrejtë dhe e gabuar” për palestinezët ndërsa “shumë e rrezikshme” për Izraelin.
“Sa herë që i lejoni njerëzit të kenë atë nivel të dhunës në një shoqëri, që nuk e ndaloni, që zvarritet në të gjithë shoqërinë”, tha Clinton.
Vërejtjet e saj vijnë në mes të sulmeve të përshkallëzuara nga ushtria izraelite dhe okupatorët izraelitë në Bregun Perëndimor të pushtuar që nga fillimi i gjenocidit në Rripin e Gazës në tetor 2023.
Autoritetet palestineze kanë dokumentuar vrasje, arrestime, prishje shtëpish, sulme në xhami dhe automjete, shkatërrim të tokës bujqësore, kufizime në aksesin e fermerëve në pronat e tyre dhe zhvendosje të detyruara.
Palestinezët paralajmërojnë se operacionet izraelite dhe dhuna okupatore po i hapin rrugën aneksimit formal të Bregut Perëndimor, i cili do të minonte krijimin e një shteti palestinez sipas rezolutave të OKB-së. /Anadolu Agency/
