Arteta: Arsenali është më i fortë në sulm sesa sezonin e kaluar, ambicja jonë është e madhe

Trajneri Mikel Arteta këmbëngul se Arsenal është më i fortë sesa sezonin e kaluar, pavarësisht pamundësisë së tyre për të rekrutuar një sulmues të klasit botëror gjatë merkatos së kësaj vere.

“Topçinjtë” nënshkruan me anësorin grek Christos Tzolis nga Club Brugge, por nuk arritën të siguronin një nga objektivat e tyre kryesorë të verës pasi ndoqën Morgan Rogers, Vinicius Junior dhe Julian Alvarez, por pa sukses.

Dhe me largimin e Leandro Trossard, Gabriel Jesus dhe Gabriel Martinelli, ata kanë më pak mundësi në sulm. Megjithatë, Arteta preferon burimet e lojës që ka në dispozicion tani krahasuar me fushatën e tij fituese të Premier League.

“Kjo është ajo që ndiej, tani duhet ta provojmë. Mendoj se jemi më të pajisur. Mendoj se kemi më shumë lojtarë në dispozicion sesa kishim në fillim të sezonit të kaluar”, tha Mikel Arteta.

“Nuk është vetëm në futboll, ndodh në jetë, dhe mendoj se është shumë e rëndësishme të vlerësojmë atë që kemi. I dua lojtarët tanë dhe e vlerësoj shumë atë që kemi, atë që kemi krijuar së bashku”, shtoi më tej spanjolli.

Më tej, Arteta tha: “Ambicia është e madhe dhe ambicia jonë është gjithmonë të jemi më të mirë, veçanërisht të zhvillojmë gjërat që tashmë i kemi brenda klubit që me siguri duhet të jenë aty”.

“Ne duhet të luajmë. Nuk më pëlqen të bëj supozime paraprakisht. Mendoj se nuk është vetëm përgjegjësi e atyre lojtarëve, është përgjegjësi e ekipit dhe dinamika e ekipit. Dhe ne kemi mundësi të shumta për të luajtur atje, dhe me profile të ndryshme gjithashtu”, tha Arteta. /Telesport.al/