Baleti Kombëtar i Kosovës, u prezantua në edicionin e 23-të të Festivalit Ndërkombëtar të Baletit në Bodrum, duke sjellë për artdashësit një përvojë të paharrueshme me shfaqjet “Boléro” dhe “Correr o Fado”.
Në kuadër të Festivalit të 23-të Ndërkombëtar të Baletit në Bodrum, të organizuar nga Drejtoria e Përgjithshme e Operës dhe Baletit Shtetëror të Republikës së Turqisë, Baleti Kombëtar i Kosovës u ngjit në skenë me “Boléro”, me koreografi të Mehmet Balkan, bazuar në veprën e famshme të kompozitorit Maurice Ravel.
Vepra, e cila spikat për strukturën e saj ritmike dhe zhvillimin dramatik në rritje, tërhoqi vëmendjen e madhe të artdashësve me koreografinë e saj mbresëlënëse, e cila e rrit gradualisht ritmin e vallëzimit. /RTK
