Raporti 24 orësh i Drejtorisë Rajonale të Policisë në Gjakovë
Ushtria amerikane njoftoi se kishte nisur sulme të reja ndaj objektivave ushtarake në Iran për natën e 12-të radhazi. Sulmet filluan në Iran të enjten në mëngjes (23:30 CET të mërkurën), tha Komanda Qendrore e SHBA-së (CENTCOM) në rrjetin X.
CENTCOM deklaroi se operacionet do të vazhdojnë “për të degraduar më tej aftësinë e Iranit për të kërcënuar marinarët civilë dhe anijet tregtare që kalojnë nëpër ujërat rajonale.”
Ndërkohë, kryetari i Parlamentit të Iranit, Mohammad Bagher Ghalibaf, paralajmëroi se konflikti me SHBA-në është “gjithçka ose asgjë”.
“Në këtë rajon, nëse nuk mund ta shesim naftën tonë, atëherë askush tjetër nuk mundet.”
Ai shtoi gjithashtu se “siguria jonë është një parakusht për të gjithë infrastrukturën rajonale; pa të, asgjë nuk mbetet e sigurt.”
Duke iu referuar Ngushticës së Hormuzit, Ghalibaf tha se siguria e saj “varet nga mungesa e forcave amerikane të stacionuara atje”, duke përsëritur qëndrimin e Iranit se situata nuk do të rikthehet në gjendjen para luftës.
Presidenti amerikan Donald Trump deklaroi se nuk beson se Irani është gati për një marrëveshje.
“Ata nuk janë gati. Ata do të jenë gati shumë shpejt.”
Më herët, Trump paralajmëroi se SHBA-ja do të “bombardojë dhe shkatërrojë” një urë ose një termocentral në Iran nëse Teherani sulmon anije në Ngushticën e Hormuzit. Ai tha se objektiva të mundshëm do të ishin edhe ura dhe termocentrale në Teheran ose pranë kryeqytetit iranian.
Sipas mediave iraniane, të cituara nga Reuters, dy persona u vranë në një sulm me raketa amerikane pranë pikës kufitare Shalamcheh me Irakun, ndërsa pozicione ushtarake në Bushehr u goditën në një sulm tjetër. Këto raportime nuk janë konfirmuar në mënyrë të pavarur. /RTKlive
