GTA 6 pritet të sjellë fitime rekord, parashikohen miliona porosi paraprake
Nga viti i ardhshëm, Mbretëria e Bashkuar pritet të fillojë përdorimin e një sistemi të inteligjencës artificiale për njohjen e fytyrës, me qëllim verifikimin e moshës së azilkërkuesve në kufi.
Sipas autoriteteve britanike, teknologjia do të analizojë fotografitë e personave që paraqiten në pikat kufitare dhe do të ndihmojë në identifikimin e rasteve kur emigrantët e rritur pretendojnë të jenë të mitur.
Ministria e Brendshme britanike thotë se testimet e para kanë treguar rezultate premtuese dhe se sistemi do të shërbejë si mbështetje për oficerët e emigracionit gjatë vlerësimit të rasteve të paqarta.
Megjithatë, organizatat për të drejtat e njeriut kanë shprehur shqetësime serioze, duke e cilësuar teknologjinë si të paprovuar dhe të rrezikshme për mbrojtjen e fëmijëve të cenueshëm, duke kërkuar ndalimin e saj.
Sipas planeve, sistemi do të testohet fillimisht në qendrat e përpunimit të azilkërkuesve dhe më pas pritet të zgjerohet në përdorim më të gjerë deri në vitin 2027.
